Жаңажылдық ертеңгіліктер

Балабақшамызда желтоқсанның соңғы аптасы жаңажылдық ертеңгіліктермен басталды. Мақсаты: балаларға Жаңа жыл мерекесі туралы мағлұмат беру. Жаңа жыл мерекесінің қызықтарын, әдемі көріністерін тамашалау арқылы қоршаған ортаға қызығушылығын арттыру. Балаларды бір - біріне деген достық сезімге, сүйіспеншілікке тәрбиелеу.

Тақырыпқа сай керемет безендірілген музыка залында орта «Құлыншақ», «Айгөлек», «Көгершін», «Балдырған», «Колобок» топтары «Кел, кел Жаңа жыл», «Аққаланың мұрны», ересек «Алтын  ұя», «Балбөбек», «Құлпынай»,  «Ақ бота», «Смешарики» топтары «Қысқы ертегі», «Ойыншықтар дүкені», «Ақшақар мен құрттақандар», мектепалды даярлық «Солнышко» тобы «Жаңажылдық шатаспақ» атты ертеңгіліктер өткізді. Балалар шыршаға, Аяз атаға арналған тақпақтарын, әндерін, билерін орындап берді, көңілді ойындар ойнады. Мерекеге келген Аяз ата, Ақшақар, Аққала, Қоян, Тышқан, Әтеш, Түлкі, Мысық, Қасқыр, Гаргамель, Қыс ханшайымы, Эльза кейіпкерлері өздерінің әртістік шеберлігімен  көзге түсті. Жаңа жыл Ұлу  балаларды, ата-аналарды мерекемен құттықтап, өз тілектерін айтты. Аяз Ата барлық бүлдіршіндерге көп күткен сыйлықтарын таратты.

Ертеңгіліктерді ұйымдастырып, өткізуге ат салысқан ата-аналарға, қызметкерлерге алғыс білдіреміз! Баршаңызды, Жаңа жыл мерекесімен құттықтаймыз!