Педагогтерге арналған Ашық есік күні. Құзыреттілік орталықтар.

2023 жылғы 22 қараша күні мобильді топ жоспарына сәйкес «Жұлдыз» балабақшасында  педагогтарға арналған ашық есік күні өтті.   Ашық есік күнін ұйымдастырудың басты мақсаты: балабақша күн тәртібі бойынша тәрбиешілердің жұмысын көрсету, балалармен ұйымдастырылатын іс-әрекеттердің өткізілу барысымен таныстыру, құзіреттілік орталықтарында жан жақты жұмысты түсіндіріп, көрсету.  Ашық есік күні барысында педагогтар балабақшамен танысып, топ бөлмелерінің, дәліздердің безендірілуі, дамытушы орталықтардың болуы, жатын бөлмеге, қабылдау бөлмесіне арналған құрал-жабдықтармен қамтамасыз етілуін көріп, балабақша ішіне экскурсия жасады, ұйымдастырылған іс-әрекеттерді тамашалады. Кіріктірілген  іс -әрекеттерді дене шынықтыру нұсқаушысы, жүзу нұсқаушысы, қазақ тілі  маманы көрсетті. Қатысушылар өз пікірлерін айтып, балабақшаның педагогтарына, балалармен өткізілген әрбір шараға ризашылығын білдірді.