"Алтын күз, әсем айналам, еліне береке сыйлаған"

«Алтын  күз, әсем  айналам, еліне  береке сыйлаған»

«Жұлдыз» балабақшасының барлық жас ерекшелік топтарында жоспарға сәйкес «Алтын  күз, әсем  айналам, еліне  береке сыйлаған» атты күз мерекесіне арналған ертеңгіліктер өтті.

        Іс-шараның мақсаты: күз туралы балалардың дүниетанымын арттыру, балаларға мерекелік көңіл-күй сыйлау. Әр баланың бойындағы қасиеттерін дамыту, өнерін көрсету,тапқырлық,сахна мәдениетін қалыптастыру.

Балалар ертеңгілік тақырыбына сәйкес безендірілген музыка залына жиналды. «Күз келді»,«Алтын  күз», «Күз жомарт», «Жаңбыр», «Жемістерді жинаймыз» әндерін орындап, тақпақтарды өте  жақсы  айтып шықты. Мерекеге  Алтын күз, Күн, Жаңбыр, Саңырауқұлақ, Бұлт, Дәрігер кейіпкерлері  келіп балалардың көңілдерін көтерді. Сонымен қатар жақсы дайындалған киімдермен «Жапырақтар», «Көкөністер мен жемістер»,  «Саңырауқұлақтар» биін  биледі. Келесі кезекте балалар көтеріңкі көңіл-күймен  «Көкөністерді ажырат», «Қолшатыр», «Не артық», «Саңырауқұлақтарды жинау», «Батпақтан өту» ойындарын ойнады. «Көкөністердің дауы» атты сахналық көрсетілімде балалар өз актерлік өнерлерін көрсете білді.

Жалпы ертеңгіліктер жоғары дәрежеде өтті.Балалармен алдын-ала жұмыс істелінген. Тәрбиешілер мен музыка жетекшілері біріккен жұмыс көрсете білді. Балалардың ата-аналары да қолдау көрсетуге және керемет ертеңгіліктерді тамашалауға келді.

Музыкалық әдеби материал сапалы қолданылды.