Тәрбиешілер арасындағы "Жас маман-2024" сайысы

2024 жылдың  26-сәуір күні   балабақшамызда  жас мамандар арасында   «Жас маман-2024» атты сайысы өтті. Бұл сайысқа балабақшадан тәрбиешілер  сынға түсті. Сайыс бес кезеңнен тұрды.

I-кезең «Өз мамандығым- өмірімнің қалауы...»-, бұл кезеңде педагогтар  өздерін жан-жақты түрде таныстырды, II- кезеңде «Кім тапқыр?», яғни өздерінің кәсіби шеберліктерін көрсете білді, ал  III-кезеңде «Ойната отырып, дамытамыз» тәрбиешілер балалар мен ойын әрекетін (кез-келген шығарманы сахналау, дамытушы/дидактикалық  ойын/, қимылды ойын іс-әрекеттерін ұйымдастырды. ІV кезең «Өнерлі өрге жүзеді» тәрбиешілер өз өнерлерін ортаға салды. V-кезең  портфолио, өзін-өзі жетілдіру жұмыстары бойынша бағаланды. 

Әділ-қазылар алқасы ақылдаса отырып, өз шешімдерін шығарды.  Кезеңдердің нәтижесі бойынша Бас жүлдеге «Балдырған» тобының тәрбиешісі Тулепова Айнагуль Магзумовна ,бірінші орынға «Айгөлек» тобының тәрбиешісі Ахметова Айдана Хасеновна, екінші орынға «Қарлығаш» тобының тәрбиешісі  Насырова Альбина Болатқызы және «Балапан» тобының тәрбиешісі Амиржанова Риза Сейталақызы, үшінші орынға «Балдырған» тобының тәрбиешісі  Абдыкасимова Айым Болатовна ие болды. «Заманауи» номинациясымен «Бәйтерек» тобының тәрбиешісі  Жүнісова Айнұр Бексұлтанқызы, «Шығармашыл» номинациясымен «Құлыншақ» тобының тәрбиешісі Темирова Айгерим Нурлановна  марапатталды.  

                                                                        Балабақша әдіскері: Нысанова П.Б.