Асық жинау акциясы

Наурыз айының  13- жұлдызында «Жұлдыз» балабақшасында барлық топтар арасында Асық жинау акциясының қорытындысы болып өтті.  Ұмытылып бара жатқан ұлттық құндылықтарды қайта жаңғыртып, жас ұрпақтың ұлттық ойын түрлеріне деген қызығушылықтарын арттыру, қазақ халқының төл мұрасын қастерлеуге баулу мақсатында өткен акцияға балалар белсенділікпен қатысты.

Асық ату – қазақ халқының ұлттық ойындарының бірі. Асық жинау  акциясы барысында балалар жалпы алғанда 2120-ға жуық асық жинады.

Акцияның қорытындысы бойынша ең көп асық жинаған «Айгөлек» тобы - 608 асық және «Алтын ұя» тобы - 540 асық жинап Бас жүлде иегері атанды. Бірінші дәрежелі дипломға «Қарлығаш» тобы - 197 асық , «Ақ бота» тобы -  166 асық жинады. Екінші дәрежелі дипломмен «Көгершін» тобы - 83 асық, «Балапан» тобы - 75 асық, «Құлыншақ» тобы - 75 асық, «Бәйтерек» тобы - 74 асық жинап марапатталды. Үшінші орында  «Колобок» тобы - 55 асық,  «Балбөбек» тобы - 65 асық, «Балдырған» тобы - 61асық жинап марапатталды. «Солнышко» тобы - 41асықпен «Смешарики» тобы - 30 асық, «Құлпынай» тобы - 55 асық жинап алғыс хатпен марапатталды. Енді осы жиналған асықтардан түрлі ойындар, бұйымдар жасалып, 22-наурыз күні мерекесі қарсаңында «Асығың алшысынан түссін!» қазақ халқының ұлттық ойындары ұйымдастырылып жоспарланды.