«Мектепке дейінгі ұйым педагогтерінің тәрбиеленушілердің ата-аналарымен қарым-қатынасы» тақырыбында №3 педагогикалық кеңес

Ақпанның соңғы аптасында балабақшада жылдық жоспарға сәйкес «Мектепке дейінгі ұйым педагогтерінің тәрбиеленушілердің ата-аналарымен қарым-қатынасы» тақырыбында №3 педагогикалық кеңес іскерлік ойын түрінде өтті.

Мақсаты мен міндеттері: 

Мектепке дейінгі білім беру ұйымының тәрбиеленушілердің ата-аналарымен өзара қарым-қатынасы мен ынтымақтастығын жетілдіру үшін оңтайлы жағдайлар жасау. Сенім, ынтымақтастық және кәсіби қолдау негізінде тәрбиеленушілердің ата-аналарымен өзара қарым-қатынасқа қатысты педагогтердің ішкі ұстанымын әзірлеу. Ата-аналармен жұмыс жасауда әртүрлі әдістерді, жаңа нысандар мен технологияларды қолдану мүмкіндіктері мен шарттары туралы педагогтердің теориялық идеяларын қалыптастыруға ықпал ету. Ата - аналармен жұмысты жандандыру, отбасын тәрбие-білім беру процесіне қатысуға тартудың жаңа жолдарын іздеу.

Күн тәртібінің теориялық бөлімінде әдіскер Нысанова П.Б. дайындық барысында ата-аналармен өткізген жұмысқа және ата-аналар мен педагогтердің сауалнамадан өтулеріне талдау жасады.

Іскерлік ойын барысында әдіскер Айкелова А.М. педагогтерге «Логикалық тізбекті анықтау», «Заманауи отбасы қандай болады?», «Чек-парақ құрастыру», «Теріс көзқарастарды оң көзқарастарға ауыстыру», «Шеңберден өту» тапсырмаларын орындауды ұсынды. Педагогикалық кеңес қорытындысы «Тау» рефлексиясы арқылы жасалды.