Тоқта, сақ бол, абайла!

Айлық жоспарға сәйкес балабақшамызда мектепалды даярлық топтар арасында «Тоқта, сақ бол, абайла!» атты жолда жүру ережесі бойынша мерекелік іс- шара өтті. Қатысушы командалар ең алдымен жеребе тартып, ретімен өз атаулары мен ұрандарын айтты.  Жолда жүру ережелерін сақтау бойынша бекеттерге тоқталып, түрлі қызықты тапсырмалар орындады: «Пазл құрастыр», «Түсіндірмелер», «Жол белгілерін дұрыс орналастыр», «Абайлаңыз, балалар», «Артық белгіні тап және түсіндір». Команда капитандары «Епті жүргізуші» тапсырмасын орындады. Соңында барлық командалар көрермендер назарына үй тапсырмасына берілген жолда жүру ережелерін сақтау бойынша көріністер ұсынды. Жүргізушілер келген жанкүйерлер және көрермендермен ойын ойнады, жұмбақ жасырды. Әділ қазылар құрамына арнайы шақырылған жол инспекторы, полиция аға лейтенанты Кенжегулов Ерик Берикович, балабақшаның медбикесі Берикболова Гүлжан Доскалиевна, меңгерушінің шаруашылық бөлімі жөніндегі орынбасары Туганбаева Багыткуль Кабидуллакызы кірді. Ойынның қорытынды ұпайлары бойынша қатысушы командаларға мадақтамалар тапсырылды.