Ертегілер әлемі

Музыка залына жиналған топтар кезекпен көрермендер назарына «Үйшік», «Бауырсақ», «Шалқан», «Жеті лақ», «Қарға мен Түлкі» ертегілерін сахналап берді. Әрбір кейіпкердің ролдерін балалар ерекше етіп ойнады.  

Ертегінің тәрбиелік мәні зор, ол мектеп жасына дейінгі  баланың ойлау, есту, сөйлеу, көру, есте сақтау қабілеттерін дамытуда ерекше орын алады, сәбидің қиялына қанат бітіріп, бойындағы игі қасиеттердің қалыптасуына жол бастайды. Ертегі тыңдау арқылы бала оған еліктейді, өзі де ертегінің басқа түрін, басқаша жалғасуын, ерекше аяқталуын ойлап шығарады. Кішкентайынан ертегі тыңдап өскен бала ақылды, зерек, терең ойлы, зейінді болып өседі.