«Қазақ халқының мәдениеті, ұлттық ойындары, салт-дәстүрлерімен таныстыру» атты педагогтарға арналған семинар-практикум

13 қазан күні педагогтар мен тәрбиешілерге арналған «Қазақ халқының мәдениеті, ұлттық ойындары, салт-дәстүрлері мен таныстыру» тақырыбында семинар-практикумі болып өтті.

Балабақшаның ересек топ тәрбиешісі Апсаматова Асия Нурхамитовна бала тәрбиесіндегі салт-дәстүр және мәдениетпен таныстыру мақсатында «Балабақша балаларына арналған салт – дәстүрлері» тақырыбы бойынша жинақталған картотекасымен таныстырды. Ортаңғы топ тәрбиешісі Сқақ Гүлзат Ғанибекқызы 3-4 жастағы балаларға арналған үстел үсті ойындарымен таныстырып өтті. Оның ішінде «Сиқырлы құм», «Қазақтың салт-дәстүрінің көлеңкесін тап», «Қазақтың ұлттық киімдері», «Кілем терапиясы» үстел үсті ойындарын тәрбиешілерге ойнатып өткізді. Қазақ тілі мұғалімі Аушахманова Аяулым Орынбасаровна 4-5 жастағы ересек топ балаларына арналған үстел үсті ойындарымен таныстырып өтті. Отепова Асем Исломбекқызы 5-6 жастағы мектепалды даярлық топ балаларына арналған үстел үсті ойындары: «Көлеңкесін тап», «Сәйкестендір», «Қазақтың ою-өрнектерінен пазл құрастыру», «Қазақтың ұлттық аспаптарынан пазл құрастыру» ойындарымен бөлісті.