1.Жалпы ережелер.

1)«Ақмола облысы білім басқармасының Целиноград ауданы бойынша білім бөлімінің жанындағы Ақмол ауылының «Жұлдыз» балабақшасы» МКҚК, Ақмол ауылы, Бақыт ш.а., 5/1 құрылыс, 8(71651)51655

2)Мемлекеттік қызметтер туралы ақпарат.

Білім беру ұйымы 2 мемлекеттік қызмет көрсетеді. Барлық қызметтер тегін ұсынылады.

- Мектепке дейінгі білім беру ұйымдарына құжаттарды қабылдау және балаларды қабылдау - 149 ( электронды-ақпарат.жүйесі), 31 - (қағаз түрінде);

- Мектепке дейінгі тәрбие мен оқыту, бастауыш, негізгі орта, жалпы орта, техникалық және кәсіптік, орта білімнен кейінгі білім беру бағдарламаларын іске асыратын білім беру ұйымдарының педагог қызметкерлері мен оларға теңестірілген тұлғаларға біліктілік санаттарын беру (растау) үшін оларды аттестаттаудан өткізуге құжаттар қабылдау - 4 (Мемлекеттік корпорация).

- Қазақстан Республикасы Білім және ғылым министрінің 2020 жылғы 19 маусымдағы № 254 бұйрығы «Мектепке дейінгі білім беру саласында мемлекеттік қызметтер көрсету қағидаларын бекіту туралы»;

- Казақстан Республикасы Білім және ғылым министрінің 2016 жылғы 27 қантардағы № 83 бұйрығына өзгерістер енгізу туралы Қазақстан Республикасы Білім және ғылым министрінің 2020 жылғы 14 мамырдағы № 202 бұйрығы.  «Мектепке дейінгі тәрбие мен оқытуды, бастауыш, негізгі орта және жалпы орта білімнің жалпы білім беретін оқу бағдарламаларын, техникалық және кәсіптік, орта білімнен кейінгі, қосымша білімнің білім беру бағдарламаларын және арнайы оқу бағдарламаларын іске асыратын білім беру ұйымдарында жұмыс істейтін педагог қызметкерлер мен оларға теңестірілген тұлғаларды және білім және ғылым саласындағы басқа да азаматтық қызметшілерді аттестаттаудан өткізу қағидалары мен шарттарын бекіту туралы»

2. Қызмет алушылармен жұмыс:

1) Мемлекеттік қызметтер көрсету тәртібі туралы ақпаратқа қол жеткізу көздері мен орындары туралы мәліметтер:

«Ақмола облысы білім басқармасының Целиноград ауданы бойынша білім бөлімінің жанындағы Ақмол ауылының «Жұлдыз» балабақшасы» МКҚК сайты;

«Ақмола облысы білім басқармасының Целиноград ауданы бойынша білім бөлімінің жанындағы Ақмол ауылының «Жұлдыз» балабақшасы» МКҚК-дағы мемлекеттік қызметтер туралы стенд, Ақмол ауылы, Бақыт ш.а., 5/1 құрылыс.

         3.Мемлекеттік қызмет көрсету процесін жетілдіру бойынша әрекет

1) 2021жылы мемлекеттік қызмет көрсетуге жауапты тұлғалар «Мемлекеттік қызмет көрсету дағдыларын жетілдіру» тақырыбында біліктілік жетілдіру курстарынан өтті.

4. Мемлекеттік қызмет көрсету сапасын бақылау:

1) мемлекеттік қызмет көрсету сапасына ішкі бақылау нәтижесі: 2021 жылы барлығы 184 (2020жылы- 179)мемлекеттік қызмет көрсетілді, оның ішінде: akmola.kz жүйесі арқылы-149, Мемлекеттік корпорация арқылы - 4, қағаз түрінде-31 :

2) Мемлекеттік қызмет көрсету мәселелері бойынша қызмет алушылардың шағымдары туралы ақпарат.

Мемлекеттік қызметтерді көрсету сапасына, сондай-ақ мерзімдерін бұзуға, оның ішінде ХҚКО арқылы және электрондық түрде шағымдар түскен жоқ.

3) Мемлекеттік қызметтер көрсету сапасына қоғамдық мониторинг нәтижелері – мониторинг жүргізілген жоқ.

5. Мемлекеттік қызметтер көрсетудің одан әрі тиімділігінің перспективалары және сапасына көрсетілетін қызметті алушылардың қанағаттануын арттыру.

         Қызмет алушылардың мемлекеттік қызмет көрсету сапасына қанағаттану деңгейін арттыру, мемлекеттік қызмет көрсету процесінің ашықтығын қамтамасыз ету мақсатында балабақшамен мақсатты жұмыс жүргізілуде. Сонымен, 2021 жылы:

- әлеуметтік желілерде және балабақша сайтында қызмет  алушыларды мемлекеттік қызметтерді akmola.kz жүйе арқылы алу мүмкіндіктері туралы танымал ету және ақпараттандыру бойынша мәлімет көрсетілді;

- балабақшаның ішінде өзіне-өзі қызмет көрсету бұрышы орналасқан, онда ғаламторға қолжетімділігі бар ноутбук, картридер, принтер-сканер бар;

- «Педагог қызметкерлерге біліктілік санаттарын беру (растау) үшін аттестаттаудан өткізуге құжаттарды қабылдау» қызметі бойынша ақпараттық стенд ресімделді;

- Мемлекеттік қызмет көрсету саласында қызметкерлердің біліктілігін арттыру бойынша жүйелілік жұмыс жүргізілуде.

Ерекше қажеттіліктері бар адамдармен қарым-қатынас

         Ақмол ауылының «Жұлдыз» балабақшасы» МКҚК-да сырғанамайтын жабыны мен шақыру түймесі бар пандус жұмыс істейді, сондай-ақ кіреберісте телескопиялық пандус, балабақша атауы бар маңдайша, эвакуациялау сызбасы, кабинеттердің атаулары Брайль қарпімен жазылған; дәретхана бөлмесі жабдықталған. 2022 жылы жеке және заңды тұлғаларды қолжетімді және сапалы, оның ішінде электрондық форматта мемлекеттік қызметтермен қамтамасыз ету бойынша жұмыс жалғастырылатын болады.