Австралиялық Minderoo қорының ұсынып отырған мектеп жасына дейігі балалардың ата-аналарына, тәрбиешілерге арналған халықаралық «Thrive by Five» жобасы

Ы.Алтынсарин атындағы Ұлттық білім академиясы және Балаларды ерте дамыту институты, Ұлттық «Талдау» орталығы, бірге, Австралиялық Minderoo қорының ұсынып отырған мектеп жасына дейігі балалардың ата-аналарына, тәрбиешілерге арналған «Thrive by Five» жобасының аясында жұмыс жүргізуде.

Жоба бойынша келіссөз жұмыстары Minderoo қорының негізін қалаушы автсралиялық кәсіпкер және тау-кен саласындағы танымал қайраткер Эндрю Форресттің Қазақстанда сапарында ел Президенті Қ.Тоқаевпен кездесуден кейін, 2022 жылдың қыркүйек айында Оқу-ағарту министрлігінің тапсырмасымен басталған болатын.

Сидней университеті бұл жобадағы жаһандық  серіктес болып табылады.Жобаның мақсаты-бүкіл әлемдегі ата-аналардың назарын балаларды ерте жастан дамытудың маңыздылығына аудару, олардың түсінігін арттыру арқылы баланың дамуын қолдауға ынталандыру, балалардың әлеуетін толық жетілдіру.

Біздің ғалымдар және жергілікті сарапшылар мазмұнды бірлесіп әзірлеуде тығыз жұмыс жасайды.

Жоба аясында, 2023жылғы 15-25 мамыр аралығында  Австралиядан Minderoo қорының «Thrive by Five» халықаралық жобалар бөлімінің жетекшісі Натаниэль Фу іссапарымен Қазақстанға келді. Осыған орай, 17 мамыр күні, пилоттық жобада болған «Ақмола облысы білім басқармасының Целиноград ауданы бойынша білім бөлімінің жанындағы Ақмол ауылының «Жұлдыз» балабақшасы» МКҚК базасында қосымшаның мазмұнын бірлесіп әзірлеу және тиімді бейімдеу мақсатында балабақшаның ата-аналарымен және мектепке дейінгі жастағы ұйымдастырылмаған балалардың ата-аналарымен, зерттеу тобының сарапшылары Натаниэль Фу, Қазақстан Республикасы Оқу-ағарту министрлігінің «Балаларды ерте дамыту институты» РММ директоры Адамова Манара Елекеновна, аудармашы Утеулин Ерлан қатысуымен сессия жұмысы өтті. Ата-аналар өз тарапынан белсенді қатысып, ой-пікірлірен айтты, сессия барысында барлық сұрақтарға жауап берді, тікелей эфирде ZOOM арқылы Австарлиядағы сарапшылармен жұмыс жасады.