«Қазақстан халықтарының бірлігі күні» мерекесі

  Балабақшамызда  29-30 сәуір күн аралығында ортаңғы,ересек,мектепалды даярлық топ арасында 1-мамыр Қазақстан халықтарының бірлігі күніне мерекелік іс-шара өткізілді.

   Барлық топтардың  мақсаты ортақ, яғни балалар бірлік, ынтымақтастық туралы түсініктерін кеңейтіп, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу болды. Әртүрлі қырғыз, өзбек, татар, тәжік, орыс, украин т.б және өзіміздің ұлттық қазақ киімін киген балалар достық сезімдерін өлең шумақтарын айтып, "Ынтымақ-достық кепілі ", «Светит солнышко», «Поппури», «Достық әні», «Біз бақытты  баламыз» "Дос болайық бәріміз!", "Әрқашан күн сөнбесін!"әндерін көтеріңкі көңілмен шырқады. Қыздарымыз басқа ұлттың киімдерімен  қазақ халқының «Қамажай»,өзбек халқының  «Нозли гулим», орыс халқының «Калинка» атты билерін мың бұралып билеп, ортаға өз өнерлерін салды.  Балалар әр түрлі ұлттардың ойындарын ойнады «Білек сайысы», өзбек халқының «Тақия алу», «Ханталапай» т.б.

Бұл мерекелік іс-шараға 200-ден астам  бала қатысты.  Балалар көтеріңкі көңілмен, өз ішкі сезімдерін достық, бейбітшілікті сүйетіндерін қызығушылықпен белсенділік көрсетіп, шеберліктері мен өнерлерін ортаға салды.