«Армысың, Әз-Наурыз!» атты ертеңгіліктері

Балабақшамызда 17-наурыз күнінен бастап наурыз мерекесіне байланысты  «Армысың, Әз-Наурыз!» тақырыбында ертеңгіліктері басталып кетті. Қонақ ретінде Қыдыр ата, Әжелер және Алдар Көсе мен Қожанасыр да келді. Мереке кезінде балалар көкпар, қыз қуу, қой көтеру, арқан тартыс, қол күрес, тақия тастамақ, ханталапай және т.б. ұлттық ойындарына қызығушылықпен қатысып, көңілдерін көтерді. Қонаққа келген әжелер балаларды қойылым арқылы «Бесікке салу», «Тұсаукесер», «Қырқынан шығару» қазақтың салт-дәстүрлерімен көрнекі түрде таныстырды. Мерекеге балалардан басқа ата-аналар да шақырылды, олар мерекені ұйымдастыруға ғана емес, іс-шараның өзіне де белсенді қатысты. Сонымен қатар наурыз тойын тойлауға келген Алдар Көсе мен Қожанасыр да өз ойындарын ойнатып бір қуантты. Мереке соңында Қыдыр ата алып келген сыйлықтарын балаларға таратып, ақ батасын беріп, наурыз тойымен құттықтады.

Келе жатқан Наурыз мейрамымен құттықтаймыз!