«Қызықты қыс мезгілі» атты қардан жасалған мүсіндер байқауы

«Жұлдыз» балабақшасында «Қызықты қыс мезгілі» атты қардан жасалған мүсіндер байқауын бүлдіршіндердің қимыл-қозғалыс және шығармашылық белсенділігін арттыру мақсатында ұйымдастырылды. Қыс - балалар үшін өте қызық, балалар бұл жыл мезгілін асыға тосады. Біздің балалар үшін де қар қалашығында қардан әртүрлі мүсін жасау дәстүрге айналып келеді. Бұл шараның басты мақсаты - балалардың қиялы арқылы еңбек сүйгіштікке, ұжым болып еңбек етуге, адал достыққа тәрбиелейді. Шығармашылық ой өрісін, қиялын дамыту, салауатты өмір салтын насихаттау мақсатында орындалды. Қардан, мұздан жасалған әртүрлі мүсіндер айналаны әдемі қиялға, ғажайып бір ертегі әлеміне көз шалғандай әсер етеді.

Табиғаттың әрбір маусымы ерекше болатыны сөзсіз. Әр маусымның өзіне тән қызығы мен сейіл-серуені бар. Соның ішінде қыс мезгілі де өзіндік кіршіксіз аппақ қарымен, қаһарлы мінезімен, сықырлаған аязымен ерекше. Бұл мезгілде адамдар табиғаттың құпиясын, ерекше бір ұмытылмас сәттерін тамашалайды.

Қазылар алқасына жеңімпаздарды анықтау оңай болған жоқ, әр жұмыс өздігінше ерекше. Үздік мүсінді анықтау кезінде алдымен қатысушылардың шығармашылық қабілеті, креативтілік пен идеяның өзіндік ерекшелігі ескерілді.

Байқаудың қорытындысы бойынша бірінші дәрежелі дипломмен «Қарлығаш», «Балапан», «Бәйтерек», «Ақбота», «Айгөлек» топтары, екінші дәрежелі дипломға «Алтын ұя» «Құлыншақ», «Балдырған» «Балбөбек»,, «Колобок» тобы лайық деп танылды. Үшінші дәрежелі дипломмен «Көгершін», «Солнышко», «Смешарики», «Құлпынай» топтары марапатталды.