«Қош келдің, Наурыз!» қазақ ұлттық ойындары.

Наурыз мерекесі  күндері балабақшада ортаңғы, ересек, мектепалды даярлық топтар арасында «Қош  келдің,  Наурыз!» атты ұлттық ойындар өткізілді.

          Дене шынықтыру  нұсқаушылары   Габидуллина А.А, Маханов Ж.Қ  барлық  топтарда  жас  ерекшеліктеріне  байланысты  ұлттық ойындар  ойнады.Ұлттық мұраның бай қазынасының бірі – халықтың ұлттық ойындары көп салалы, көп қырлы құбылыс, ол тек ойындық сала емес, мәні жағынан да балабақша тәрбиеленушілерінің рухани өресі кең өсіп – жетілуіне, эстетикалық мәдениетін қалыптастыруға тәрбиелейтін негізгі құралдардың бірі. 

Ойын  кезінде  жасалатын қимыл-қозғалыстар балалардың ептілік, шапшаңдық, күштілік, батылдық, төзімділік қабілеттерін дамытады. Денсаулығын нығайтып, ақыл – ойын өсіреді.

Ұлттық ойын барысында «Қаражорға» музыкалық  би арқылы жаттығумен бастады. Алдар Көсе кейіпкері келіп, мектепалды даярлық топ балаларымен «Тауық күрес», «Білек сайыс», «Арқан тартыс», ересек топтарымен  «Бәйге», «Теңге  алу», «Қыз қуу», ортаңғы топтарымен «Ханталапай», «Тақия тастамақ» ұлттық ойындар ойнады.