«Қыс қызығы» атты ойын-сауық

Спорттық ойын-сауық – балалар үшін мереке. Баланың өмірін көңілді ойын-сауықсыз, шулы мерекелерсіз, жарыстарсыз және көңілді ойындарсыз елестету мүмкін емес.

Желтоқсан айының 03 күні балабақша учаскесінде дене шынықтыру нұсқаушылары Габидуллина А.А., Каркабатова Г.А. «Қыс қызығы» атты ойын-сауық ұйымдастырды. Ойын-сауыққа мектепалды даярлық топтары қатысты.

Мақсаты: Мектеп жасына дейінгі балаларды салауатты өмір сүруге қызығушылығын арттыру.  Дене шынықтыру жаттығуларының әдістерін үйрену, оларды қолдану. Салыстыру арқылы балалардың ой-өрісін дамыту. Балалардың психо-эмоционалдық жағдайын, бұлшық ет жүйесінің жұмысын жақсарту.

Тосын сый ретінде өзінің ойындарымен қонаққа Аққала келді. Балалар екі топқа бөлініп «Кім жылдам?» қимылды ойынын ойнады. Кейін қыстық эстафета: «Хоккей», «Қар толтыру», «Қарды нысанаға тигізу», «Шанамен жарысу» ойындарын ойнап жарысты. Ең соңында «Қарды үрлейміз» дем алу гимнастикасын жасады. Барлық бала таза ауада сергіп, көптеген жағымды эмоцияларға ие болды.