№2 педагогикалық кеңес: «Мектеп жасына дейінгі баланың әлеуметтік коммуникативтік дамуы»

29 қараша күні «Мектеп жасына дейінгі баланың әлеуметтік коммуникативтік дамуы» атты №2 педагогикалық кеңес өтті. Жауапты музыка жетекшісі Биртаева Н.Б. және ортаңғы «Бәйтерек» тобының тәрбиешісі А.А.Кульмурзаева «Заттық -дамытушы ортаның балаларды әлеуметтендірудегі орны» тақырыбында баяндамасымен және күн тәртібімен таныстырды. Әр жас ерекшелікке байланысты топ тәрбиешілері мен педагогтар «Балабақшада балалардың қазақ тілін дамыту әдістері мен тәсілдері» тақырыбында ұйымдастырылған іс-әрекетті өткізудің тәсілімен және тәжірибесімен бөлісті. Инновациялық әдістер мен технологияларды қолданып, әлеуметте ауызша қарым-қатынас жасау, диалог құру дағдыларын қалыптастыру мақсатында аға тәрбиеші У.С.Тулеулина  «Мектепке дейінгі тәрбиелеу мен оқытудағы жасанды интеллект технологиялары» тақырыбымен және бірнеше нейрожелілерді қолданудың тәсілімен таныстырды. Қорытынды бөлімде қатысушылар бір-бірінің жұмысын бағалау мақсатында «Аукцион» тәсілін қолданды.