“Бәріміз бірге мықтымыз!” атты педагогтар арасында эстафеталық жарыс

25-қазан Республика күніне орай «Жұлдыз» балабақшасының педагогтары арасында “Бәріміз бірге мықтымыз!” атты көңілді эстафеталық жарыс болып өтті. Эстафета жарысы 8 бөлімнен тұрды. Сайыста 1-ші қабат қатысушылары «Алтын күн» тобы және 2-ші қабат қатысушылары «Қыран» тобы болып бөлінді.  Әр топ өздерін таныстырып, ұрандарын айтты. «Сиқырлы шеңбер», эстафетасында қатысушылар кедергілерден өтіп, Отанға байланысты сұрақтарға жауап берді. Сондай-ақ «Білек сынасу», «Кім жылдам?», «Тауық тіресу», «Арқан тарту» сияқты спорттық ойындарда жарыс өтті.
 Жарыс нәтижесінде:
1 орынды-«Алтын күн»тобы, 
2 орынды- «Қыран» тобы иеленді. 
Қатысушылар белсене  ат салысып, жарыс қызықты өтті.

Осындай спорттық ойын-сауық іс-шараны ұйымдастыру арқылы ұжым арасындағы ынтымақтастық қарым-қатынас артып, бірге бір жұдырықтай жұмыс жасауға септігін тигізді. Спорттық ойындармен қоса педагогтар флешмоб би билеп, үй тапсырмасына берілген ойынды қолдан жасап өздерін шығармашылық тұстан көрсетті. Спортық ойындарға қатысып, үздік атанғандарға грамоталар мен бағалы сыйлықтар табыс етілді.